Carl Gustav Jung

Carl Gustav Jung es un mètge psiquiatre soís nascut lo 26 de julhet de 1875 en Soïssa a Kesswil (canton de Turgò) e mòrt lo 6 de junh de 1961 a Küsnacht (canton de Zuric), e Soïssa alemanica. Fondator de la psicologia analitica e pensaire influent, es l'autor de fòrça obratges. Son òbra es ligada a la psicanalisi de Sigmund Freud, que n'es un dels primièrs defensaires e que se'n separa a causa de rason de divergéncias teoricas e personalas. Dins sos obratges, mescla de reflexions metapicologicas e practicas al respècte de la cura analitica. Jung consacrèt sa vida a la practica clinica e a l'elaboracion de teorias psicologicas, mas tanben explorèt d'autres domènis de las umanitats: dempuèi l'estudi comparativa de las religions, la filosofia e la sociologia fins a la critica de l'art e de la literatura. Carl Gustav Jung foguèt un pionièr de la psicologia de las progondors: mostrèt lo ligam entre l'estructura de la psiquè (es a dire l'« alma », dins lo vocabulari jungian) e sas produccions e manifestacions culturalas. Introduguèt dins son metòde de las nocions de sciéncias umanas posadas dins de camps de coneissença tan diferents coma l'antropologia, l'alquimia, l'estudi dels sòmis, la mitologia e la religion, çò que lo permetèt d'aprene la « realitat de l'alma ». Se Jung foguèt pas lo primièr a estudiar los sòmis, sas contribucions dins aqueste domèni foguèron determinantas. Escavèt, entre autres, los concèptes d'« inconscient collectiu », d'« arquetipe », d'« individuacion », de « tipes psicologics », de « complèxe », d'« imaginacion activa », de « determinisme psiquic » e de « sincronicitat ».